Carrusel Volta á ría no día da muller

O día 8 de marzo celebramos, un ano máis, o día da Muller e no Carrusel Volta á Ría non desaproveitamos a ocasión para unir a nosa voz a todas as organizacións sociais e persoas que programaron actos, movilizacións, actividades e galas para a ocasión. Este domingo a Tertulia Deportiva de Radiofusión dentro do magazine deportivo “Carrusel Volta á Ría” achégase ao deporte feminino e concretamente ao baloncesto feminino que tantos éxitos colleitou e esperemos que colleite na nosa comarca.

Asistirán ao estudo en directo de Radiofusión Ferrolterra en Fene varias xogadoras do primeiro equipo do Universitario Ferrol que militan na Liga Feminina 2 do baloncesto español xunto co seu adestrador, o carismático Chiqui Barros. Será este domingo a partir das dez menos vinte da noite en Radiofusión presentado por Xan Morales. O Carrusel Volta á Ría no día da Muller.

O Carrusel Volta á Ría emítese os domingos en Radiofusión Ferrolterra (Radio Fene) producido por Paulo Regueiro, Oscar Martínez, Manuel Castro e a dirección de Xan Morales.