Radio Betanzos trasladaráse ó edificio das antigas escolas

Un dos entrecháns do edificio das antigas escolas García Hermanos albergará a sede de Radio Betanzos, que ata o momento atopase no Camiño de Talai, preto do centro de formación e o enclave da feira do gando. Esta actuación será posible grazas ó segundo Fondo Estatal de Inversión Local (FEIL), que deixará na cidade brigantina preto de 1.400.000 euros.

A alcaldesa, María Faraldo, explica que con este novo plan estatal continuarase coa reforma deste edificio, que tamén albergará no baixo a sede da Fundación Comarcal de Betanzos, que compartirá as instalacións coa empresa Aquagest.