Renovacións no blog de Radio Neria

A Radio Nería de Corcubión é unha das radios locais de Galicia que máis aposta polas novas tecnoloxías. E esta semana veñen de dar un paso máis coa renovación da súa bitácora na rede. O blog radioneria.blogspot.com mudou a súa imáxe nos ultimos dias coa fin de adaptarse aos tempos. Este novo deseño caracterízase por ser máis sinxelo e actual, polo que se facilita así a navegación e mellorase o elemento visual. Outro dos temas a ter en conta é a da cor, que a partires de agora sintonizará coa cor corporativa da radio.

Deste xeito dende a radio municipal corcubionesa continúan ligando a radio coa posibilidade que ofrece a rede ao máximo posible. Ademais de coñecer todo o que xira arredor da radio, no blog pódense descargar a totalidade dos programas, e escoitar a emisión en directo as 24 h do día.

Outra das ferramentas polas que apostan os compañeiros da Radio Neria no eido das novas tecnoloxías é o Facebook, onde teñen unha páxina, que en apenas unhas semanas colleitou máis de 250 siareiros. Nela colgan cada mañá os boletíns de novas, unha oferta única á que toda a Costa da Morte pode acceder para comezar o día ben informado.