Volta á Ría estrena páxina Web

Volta á Ría

A nova páxina web do programa de RadioFusión voltaaria.com rompeu onte todos os pronósticos e no primeiro domingo na rede logrou captar o interese de 4.500 persoas que se achegaron a esta nova web de información deportiva comarcal.

O programa de radio comezou ás catro da tarde no 107.7 da FM e durou ata doce menos cuarto da media noite. Durante este tempo, o programa deportivo de Radiofusión entrevistou a 23 persoas, entre eles os máis importantes adestradores do fútbol comarcal e fixo un total de 120 conexións ao longo da tarde aos distintos campos de fútbol da comarca e onde xogaban equipos da nosa bisbarra. O programa de radio comeza, deste xeito, a súa 14 temporada en antena, cun publico fiel e numeroso, como amosa a expectación da propia páxina web.